Chuan Chusé Bielsa (Andorra (Teruel), 1961)

Es poeta y miembro ‘d’o consello d’a Fabla Argonesa’. Entre sus obras: ‘O manantial de Sietemo I’. Zaguera poesía en aragonés’ y ‘Tras la puerta’.

Biachero en o paradiso

Biachero soi

enta l’amor.

 

Muerto estoi

ta cualsiquier altra distancia.

 

Os míos güellos, a mirada,

planto en lo que soi.

 

Cada inte

ye un tresoro que s’escapa.

 

O mio corazón

güella enta o país d’a mía aimata.

 

E biacho enta la suya casa

sin asperar ya más

 

en tantas tristas garas,

sin más biaches enta infiernos

 

feriendo a luz con más distanzias.

Agora biacho dende a muerte

 

Esbeilando los camins

d’a mía enamorata

 

e ya no me retantan

os paisaches que naxen e se pierden

 

e ya no son plazers

Ixos que arriban e marchan,

 

e siento lo esprito endolorito

por cada paso malfurriato

 

durante añadas en l’oblido,

por ixo güello a la mía aimata

 

ta que esborre lo que bide

e me torne la güellata,

 

que siga yo luzeta

d’a suya luminaria,

 

parola suya pronunziata,

que me guide enta o costato suyo

 

e que yo desaparexca

ta cuito en o branquil d’a suya casa

 

e que nunca d’ella yo me’n baiga.

E morir, naxer, dexar tot lo mío

 

como un biello perrecallo

en a oblidata zaica

 

d’as desasperanzas.

Amor mío,

 

ya no bi ha distanzias,

con tu ya soi biachero

 

en o Paradiso.

Umagen:https://www.blogger.com/